Litlihjalli - Allar fr�ttir

Orkub�i� b�i� a� l�ta skrifa undir.

Tue, 18 Jun 2013 16:25:00 +0000

Orkubú Vestfjarða er nú búið að láta jarðeigendur skrifa undir þar sem farið verður með jarðstrengi yfir jarðir í þessari lotu. Að sögn Þorsteins Sigfússonar svæðisstjóra Orkubúsins á Hólmavík urðu mannleg mistök þess valdandi að aðeins ábúendur voru látnir skrifa undir fyrir nokkru.

Nú er búið að áveða að ekki verður lagður jarðkapall í sumar frá Norðurfirði og til Krossness og eða að sundlaug,það fékkst ekki fjármagn í það að sinni. En nú er hinsvegar ákveðið að leggja jarðstreng frá Víganesafleggjara og til Kjörvogs og þar er einnig endurvarp fyrir Símann til Djúpavíkur. Verkið gengur vel en erfiðasti kaplinn er eftir það er í Árneskrók og við Árnesstapa og að Melatúnum.

Orkub�i� leggur jar�strengi �n fullkominna leifa.

Fri, 14 Jun 2013 22:20:00 +0000

Orkubú Vestfjarða hefur verið að leggja strengi,þriggja fasa um jarðir jarðeiganda og ábúanda jarða í Árneshreppi án þess að fá undirskrift undir leifi eins og þeyr lofuðu og ætluðu að gera,nota sénsinn þegar jarðeigendur hafa brugðið sér frá í smá tíma. Þetta á ekki að líðast af því að talað var um annað við landeigeindur og ábúendur,að undirskrift ætti að vera frá báðum aðilum jarða hér í Árneshreppi. Allir vilja fá þessa strengi í jörðu og það er vel af Orkubúsis hálfu og gott uppá framtíðina,hver er munurinn að láta bara aðeins ábúendur skrifa undir og sleppa jarðeigendum á sömu jörð að skrifa ekki undir. Þessir jarðeigneindur svonefndir sem ekki voru látnir skrifa undir,gætu kært Orkubúið seinna meir og reindar hvenær sem er fyrir að fara yfir sínar jarðir með jarðstrengi og náttúrspjöll ef þeyr vildu. En sennilega væru það fáir sem vildu það,enn eftir tal við lögfræðiing í vikunni hefur fréttamiðillinn Litlihjalli,efitr lögfræðingnum,að ef ekki báðir aðilar séu ekki látnir skrifa undir,og það væri bara í Orkubúsis í vil að hafa öruggar undirskriftir frá báðum aðiljum,það er ábúendum og jarðeigendum.

Sk�kh�t�� rneshreppi.

Sat, 08 Jun 2013 11:10:00 +0000

Skákhátíð í Árneshreppi verður haldin dagana 21. til 23. júní og sem fyrr verður boðið upp á fjölda skemmtilegra viðburða fyrir áhugamenn úr öllum áttum. Þetta er sjötta skákhátíðin á Ströndum, sem hefur unnið sér sess sem fastur liður í skákdagatalinu. Fjórir stórmeistarar eru skráðir til leiks, auk margra öflugra meistara og áhugamanna úr öllum áttum. Að þessu sinni verða skákviðburðir á fjórum stöðum: Hólmavík, Djúpavík, Trékyllisvík og í Norðurfirði.
Föstudaginn 21. júní klukkan 16 verður fjöltefli í Hólmavík og um kvöldið verður hið vinsæla tvískákarmót haldið á Hótel Djúpavík. Staðarhaldarar í Djúpavík bjóða gestum hátíðarinnar upp á sérstakt tilboð á gistingu og eru áhugasamir hvattir til að hafa samband sem fyrst. Þá verður sérstakt tilboð á ljúffengu hlaðborði, áður en taflmennska hefst á föstudagskvöldið, og eru gestir hvattir til að setjast að veisluborði saman.

Laugardaginn 22. júní verður svo efnt til Afmælismóts Jóhanns Hjartarsonar stórmeistara, sem varð fimmtugur fyrr á árinu, í samkomuhúsinu í Trékyllisvík. Meðal keppenda verða stórmeistararnir Jóhann, Helgi Ólafsson, Henrik Danielsen og Jón L. Árnason. Af öðrum kunnum köppum má nefna Guðmund Gíslason, Róbert Lagerman, Sævar Bjarnason, Gunnar Björnsson og ungu ljónin Hilmi Frey Heimisson, Vigni Vatnar Stefánsson, Jón Kristin Þorgeirsson, Heimi Pál Ragnarsson.
Heildarverðlaun á mótinu verða 100 þúsund krónur, auk fjölda veglegra aukavinninga. Sigurvegarinn fær auk þess í sinn hlut listaverk eftir Guðjón Kristinsson frá Dröngum.
Um kvöldið verður svo efnt til hins árlega ,,landsleiks" heimamanna úr Ungmennafélaginu Leifi heppna og aðkomumanna og að leik loknum verður grill og varðeldur.
Sunnudaginn 23. júní lýkur hátíðinni í Norðurfirði með Afmælismóti Böðvars Böðvarssonar, hinnar gamalreyndu skákkempu, sem verður 77 ára þennan dag. Böðvar þarf vart að kynna fyrir skákáhugamönnum, en skákferill hans spannar áratugi.

Gisting er í boði á Hótel Djúpavík, sem býður gestum hátíðarinnar sérstakt tilboð. Full ástæða er til að mæla með gistingu í Djúpavík, enda staðurinn ævintýralegur og hótelið engu líkt. Sími þar er 451 4037.
Þá býður Urðartindur í Norðurfirði upp á herbergi í nýlegu hóteli í botni fjarðarins. Sími þar er 843 8110.

Auk þess sem mótshaldarar hafa yfir að ráða fyrsta flokks svefnpokagistingu í Norðurfirði, með góðri eldunaraðstöðu. Þá eru góð tjaldstæði í Árneshreppi svo allir ættu að finna eitthvað við sitt hæfi.
Áhugasamir eru hvattir til að hafa samband sem fyrst við Hrafn Jökulsson í hrafnjokuls@hotmail.com eða Róbert Lagerman í chesslion@hotmail.com.

Árneshreppur á Ströndum er afskektasta en að margra mati landsins fegursta sveit. Skákfélagið Hrókurinn stendur að hátíðinni sjötta árið í röð, en félagið hefur að auki efnt til skákviðburða í Árneshreppi í rúman áratug. Mótshaldarar hlakka til að hitta gamla vini og nýja á skemmtilegri hátíð!
Allir eru velkomnir á Skákhátíð á Ströndum, og er þátttaka ókeypis.

Hefla� m�nu�i seinna en � fyrra.

Fri, 07 Jun 2013 11:00:00 +0000

Vegagerðin á Hólmavík hefur verið að hefla vorheflunina hér í Árneshreppi í liðinni viku og kláruðu í gær. Þessi vorheflun er mánuði seinna en í fyrra vor. Þetta er vegna þess hvað vegir komu ílla undan vetri og vegir blautir langt fram í maí mánuð. Sumstaðar er nú ósköp lítill ofaníburður í vegum til að hefla,en þetta hefur lagast mikið við þessa heflun,en vegurinn í Árneshreppi var víða mjög holóttur þótt ekki sé meyra sagt. Eitthvað hefur verið lagað við ræsi þar sem vatn hefur runnið yfir vegi í þessum hlýindum sérstaklega inn með Reykjarfirðinum enda mikill snjór þar til að bráðna.

Starf f�lagsm�lastj�ra er laust til umsk�knar.

Thu, 06 Jun 2013 15:30:00 +0000

Félagsþjónusta Stranda- og Reykhóla í samvinnu við Hagvang auglýsa lausa til umsóknar stöðu félagsmálastjóra. Umsóknarfrestur er til 18. júní 2013.

Félagsþjónusta Stranda og Reykhólahrepps var stofnuð 1. febrúar 2011. Fjögur sveitarfélög sameinast um félagsþjónustuna en það eru Árneshreppur, Kaldrananeshreppur, Strandabyggð og Reykhólahreppur. Félagsmálastjóri hefur aðsetur á Hólmavík en hefur auk þess haft fasta viðveru á Reykhólum einn dag í viku. Sex málaflokkar heyra undir félagsmálastjóra en þeir eru:

Barnavernd
Félagsleg heimaþjónusta
Félagsleg ráðgjöf
Fjárhagsaðstoð
Málefni aldraðra
Málefni fatlaðra

Starfið:

Félagsmálastjóri hefur umsjón með framkvæmd stefnumörkunar í þeim málum sem heyra undir hans málafokk og eftirlit með framkvæmd samninga, laga og reglugerða um félagsþjónustu. Hann situr i verkefnahópi Byggðasamlags Vestfjarða um málefni fatlaðs fólks, hefur yfirumsjón með barnaverndarmálum samkæmt barnaverndarlögum nr 80/2002 og sér um eftirfylgd og ráðgjöf samkvæmt lögum um félagsþjónustu sveitarfélaga nr 40/1991. Félagsmálastjóri vinnur náið með sameiginlegri velferðarnefnd sveitarfélaganna fjögurra, hefur yfirumsjón með fundum nefndarinnar auk þess að sitja í þverfaglegum teymum og ráðum. Félagsmálastjóri ber ábyrgð á rekstri Félagsþjónustu Stranda og Reykhólahrepps, gerð fjárhagsáætlana auk annarra tilfallandi verkefna sem heyra undir hans fagsvið.

Helstu hæfniskröfur:

Háskólamenntun sem nýtist í starfi
Reynsla og framhaldsmenntun í stjórnun æskileg
Reynsla af starfi við félagsþjónustu, málefni fatlaðra eða sambærileg störf mikilvæg
Færni í mannlegum samskiptum auk forystu- og skipulagshæfileika
Frumkvæði og sjálfstæði í vinnubrögðum
Hæfni til að tjá sig í ræðu og riti

Leitað er eftir einstaklingi sem hefur vija og getu til að leiða áframhaldandi uppbyggingu og þróun á félagsþjónustu á svæðinu. Starfið krefst ferðalaga um svæðið og þarf félagsmálastjóri að hafa bílpróf og bíl til umráða.

Nánari upplýsingar:
Þórir Þorvarðarson, thorir@hagvangur.is

Umsóknarfrestur:
Til og með 18.6.2013

��tlunarfer�ir landlei�is byrja�ar.

Thu, 06 Jun 2013 11:15:00 +0000

Í gær var fyrsta hefðbundna áætlun Strandafraktar til Norðurfjarðar á þessu sumri,en ferðir Strandafraktar hefjast að venju fyrsta miðvikudag í júní og áætlunarferðirnar standa út október. Bíllinn fer úr Reykjavík á þriðjudögum og þann dag til Hólmavíkur um kvöldið og til Norðurfjarðar á miðvikudögum. Í maí var Strandafrakt búin að koma ferðir að sækja grásleppuhrogn. Eins er Strandafrakt byrjuð í fiskflutningum eftir að strandveiðar byrjuðu,enn nokkrir bátar gera út á strandveðar frá Norðurfirði bæði heimabátar og aðkomubátar. Eins og undanfarin tvö ár mun póstur koma með bílnum á miðvikudögum. Flug til Gjögurs er nú aðeins einu sinni í viku og það er á mánudögum. Hreppsbúar fá því póst bæði flugleiðis og landleiðis í sumar.

Leggja rafl�nur � j�r�.

Wed, 05 Jun 2013 14:30:00 +0000

Orkubú Vestfjarða er að byrja að leggja þriggja fasa raflínur í jörð í Árneshreppi. Nú í sumar verður lagt frá Trékyllisvik til Mela og frá Trékyllisvík að símahúsi Símans í Reykjaneshyrnu og Ávíkurbæina. Frá símahúsi er jarðstrengur að Víganesafleggjara þar sem raflínan deilist til Kjörvogs og niður á Gjögur og útá Gjögurflugvöll. Einnig verður jarðstrengur lagður frá Norðurfirði til Krossnes og að sundlaug. Nú þessa dagana verður lögð áhersla að plægja strengina niður þar sem þarf að fara yfir tún bænda. Í dag er verið að merkja fyrir og kanna jarðveginn þar sem strengir verða lagðir.

Þetta þíðir ekki það að þriggja fasa rafmagn verði komið á í hreppnum þótt nýr jarðstrengur sé lagður þriggja fasa,það verður ekki fyrr en verður lagt yfir Trékyllisheiði og norður í Trékyllisvík.

Ve�ri� � Ma� 2013.

Sun, 02 Jun 2013 18:10:00 +0000

Yfirlit yfir veðrið frá veðurstöðinni í Litlu-Ávík.

Mánuðurinn byrjaði með umhleypingum með frosti eða hita á víxl fyrstu þrjá dagana. Síðan voru mest hafáttir með fremur köldu veðri og oftast úrkomu fram til 17.mánaðar. Loks gekk í suðlægar vindáttir þann átjánda með hlýju veðri sem stóð aðeins í þrjá daga. Síðan gekk aftur í norðlægar vindáttir með skúrum eða éljum,sem stóð í tvo daga. Þann 23. var Suðaustlæg vindátt með rigningu og slyddu. Síðan voru hafáttir með kalsaveðri,rigningu eða slyddu fram á 28. mánaðar. Alhvítt var í byggð víða að morgni 26. Síðustu þrjá daga mánaðarins var hægviðri með lítilli úrkomu og sæmilega hlýju veðri. Úrkoman var talsverð í mánuðinum,því nú eru maí og júní yfirleitt þurrustu mánuðir á Ströndum.

Ræktuð tún voru farin að taka við sér uppúr tuttugusta og farin að grænka. Úthagi fór aðeins að taka við sér síðustu daga mánaðar. Allur gróður var mjög seinn að taka við sér í mánuðinum. Lambfé var sett mjög seint út á tún vegna kulda og bleytutíðar og gróðurleysis. Og stundum var fé sett inn aftur í verstu slyddubleytunni.

Yfirlit dagar eða vikur:

1:Norðlæg vindátt,stinningsgola síðan gola,úrkomulaust,hiti frá -2 stigum uppi +1 stig.

2-3:Suðvestan þ.2 og allhvass síðan gola,síðan suðlæg vindátt með golu,él,skúrir,rigning þ.2. hiti frá -5 stigum upp í +6 stig.

4-7:Norðaustan allhvass eða hvassviðri þ.5. annars stinningskaldi eða kaldi,rigning,slydda,snjókoma eða él,hiti +5 niðri 0 stig.

8-9=Norðan eða NV gola,þurrt í veðri,hiti +2 til +5 stig.

10-12:Norðlægar eða breytilegar vindáttir,kul eða gola,rigning eða súld,hiti +1 til +8 stig.

13-17:Norðaustan kaldi,stinningsgola,gola,súld,skúrir eða él,þurrt þann 17., hiti +5 stig niðri 0 stig.

18-20:Suðvestan eða suðlægar vindáttir,gola,stinningsgola eða kaldi,skúrir eða rigning,hiti +5 til +14 stig.

21-22:Norðvestan eða Norðan gola,kaldi eða stinningskaldi,skúrir eða él,hiti +6 stig niðri +1 stig.

23:Suðaustan stinningsgola og síðan breytileg vindátt með andvara,rigning eða slydda,hiti 0 til +5 stig.

24-25:Norðvestan kul,gola,stinningsgola,rigning,hiti +3 til +5 stig.

26-28:Norðan eða NA kaldi,stinningskaldi,en gola seinnipart þ.28. rigning eða slydda,lítilsáttar súld þ.28,hiti +1 til +6 stig.

29-30:Breytileg vindátt í fyrstu með kuli eða golu,síðan NV kul,súld og þokuloft,hiti +4 til +9 stig.

31:Austan eða SA með kuli eða golu,smá skúrir,hiti +4 til +11 stig.

Mæligögn:

Úrkoman mældist 66,8 mm. (í maí 2012: 9,0 mm.)

Þurrir dagar voru 4.

Mestur hiti mældist þann 18: +14,2 stig.

Mest frost mældist þann 2: -4,9 stig.

Meðalhiti við jörð +1,16 stig. (í maí 2012:+0,81 stig.)

Alhvít jörð var í 2 daga.

Flekkótt jörð var í 9 daga.

Auð jörð var því í 20 daga.

Mesta snjódýpt mældist 15 cm þann 1.

Sjóveður: Slæmt sjóveður,talsverður eða allmikill sjór var þessa daga 4,5,6,7,13,14,22,27 og 28,annars svona sæmilegt,sjólítið eða dálítill sjór.

Tekið saman af Jóni G Guðjónssyni veðurathugunarmanni í Litlu-Ávík.

Ve�ri� � Ma� 2013.

Sun, 02 Jun 2013 18:00:00 +0000